Lög
nr. 134/1993, um iðnaðarmálagjald.*1)
*1)Sbr. lög nr. 81/1996, 129/2004, 21/2009 og 124/2010.
Lögin féllu úr gildi 1. janúar 2011, sbr. 3. gr. laga nr. 124/2010. Lögin halda þó gildi sínu vegna álagningar 2010 á einstaklinga og lögaðila vegna rekstrarársins 2009 og endurákvarðana vegna eldri gjaldára.
1. gr.
(1) Leggja skal 0,08% gjald, iðnaðarmálagjald, á allan iðnað í landinu eins og hann er skilgreindur í 2. gr. Skal gjaldstofn þess vera velta skv. 11. gr. laga um virðisaukaskatt að meðtalinni veltu sem undanþegin er virðisaukaskatti skv. 12. gr. þeirra laga.
[---]1)
(2) Um álagningu og innheimtu iðnaðarmálagjalds fer samkvæmt ákvæðum VIII.-XIV. kafla laga um tekjuskatt [---]2) eftir því sem við á.
(3) [---]3)
(4) Iðnaðarmálagjald má draga frá tekjum þess rekstrarárs þegar stofn til þess myndast.
1)Sbr. 1. gr. laga nr. 81/1996. 2)Sbr. 102. gr. laga nr. 129/2004. 3)Sbr. 1. gr. laga nr. 124/2010.
(1) [Til iðnaðar telst öll starfsemi sem fellur undir atvinnugreinanúmer sem upp eru talin í viðauka við lög þessi.
(2) Undanþegin gjaldinu eru fyrirtæki sem að öllu leyti eru í eign opinberra aðila, svo og fyrirtæki sem stofnuð eru samkvæmt sérstökum lögum til að vera eign opinberra aðila að verulegu leyti nema annars sé getið í þeim lögum.]1)
1)Sbr. 2. gr. laga nr. 81/1996.
(1) [Iðnaðarmálagjald vegna rekstrarársins 2009 rennur í ríkissjóð. Tekjunum skal varið til verkefna á sviði menntunar og nýsköpunar í iðnaði eftir því sem nánar er ákveðið í fjárlögum.
(2) Iðnaðarmálagjald sem innheimtist eftir gildistöku laga þessara en var lagt á vegna rekstrarársins 2008 og fyrr rennur einnit í ríkissjóð og skal ráðstafað með saman hætti.]1)
1)Sbr. 2. gr. laga nr. 124/2010.
Lög þessi öðlast þegar gildi...
[Viðauki.
Til iðnaðar samkvæmt 1. mgr. 2. gr. skulu teljast eftirtaldar atvinnugreinar samkvæmt Íslenskri atvinnugreinaflokkun, ÍSAT2008:
| 05 | Kolanám. |
| 06 | Vinnsla á hráolíu og jarðgasi. |
| 07 | Málmnám og málmvinnsla. |
| 08 | Nám og vinnsla annarra hráefna úr jörðu. |
| 09 | Þjónusutstarfsemi við námuvinnslu. |
| Úr 10 | Matvælaframleiðsla. |
| 10.20.4 | Framleiðsla lagmetis úr fiskafurðum, krabbadýrum og lindýrum. |
| 10.3 | Vinnsla ávaxta og grænmetis. |
| 10.42 | Framleiðsla á smjörlíki og svipaðri feiti til manneldis. |
| 10.6 | Framleiðsla á kornvöru, mjölva og mjölvavöru. |
| 10.7 | Framleiðsla á bakarís- og mjölkenndum vörum. |
| 10.8 | Framleiðsla á öðrum matvælum. |
| 10.9 | Fóðurframleiðsla. |
| 11 | Framleiðsla á drykkjarvörum. |
| 12 | Framleiðsla á tóbaksvörum. |
| 13 | Framleiðsla á textílvörum. |
| 14 | Fatagerð. |
| 15 | Framleiðsla á leðri og leðurvörum. |
| 16 | Framleiðsla á viði, viðarvörum og korki, önnur en húsgagnagerð; framleiðsla á vörum úr hálmi og fléttuefnum. |
| 17 | Framleiðsla á pappír og pappírsvöru. |
| 18 | Prentun og fjölföldun upptekins efnis. Þó ekki 18.20.0, fjölföldun upptekins efnis. |
| 19 | Framleiðsla á koksi og hreinsuðum olíuvörum. |
| 20 | Framleiðsla á efnum og efnavörum. |
| 21 | Framleiðsla á lyfjum og efnum til lyfjagerðar. |
| 22 | Framleiðsla á gúmmí- og plastvörum. |
| 23 | Framleiðsla á vörum úr málmlausum steinefnum. |
| 24 | Framleiðsla málma. |
| 25 | Framleiðsla á málmvörum, að undanskildum vélum og búnaði. |
| 26 | Framleiðsla á tölvu-, rafeinda- og optískum vörum. |
| 27 | Framleiðsla á rafbúnaði og heimilistækjum. |
| 28 | Framleiðslá á öðrum ótöldum vélum og tækjum. |
| 29 | Framleiðsla á vélknúnum ökutækjum og tengivögnum. |
| 30 | Framleiðsla annarra farartækja. |
| 31 | Framleiðsla á húsgögnum og innréttingum. |
| 32 | Framleiðsla, ót.a. |
| 33 | Viðgerðir og uppsetning vélbúnaðar og tækja. |
| Úr 38 | Sorphirða, meðhöndlun og förgun sorps; endurnýting efnis. |
| 38.3 | Endurnýting efnis. |
| 41 | Bygging húsnæðis; þróun byggingarverkefna. Þó ekki 41.10.0, þróun byggingarverkefna. |
| 42 | Mannvirkjagerð. |
| 43 | Sérhæfð byggingarstarfsemi. |
| Úr 45 | Sala, viðgerðir og viðhald á vélknúnum ökutækjum og tengivögnum. |
| 45.2 | Bílaviðgerðir og viðhald. |
| Úr 58 | Útgáfustarfsemi. |
| 58.2 | Hugbúnaðarútgáfa. |
| 62 | Þjónustustarfsemi á sviði upplýsingatækni. |
| Úr 63 | Starfsemi á sviði upplýsingaþjónustu. |
| 63.1 | Gagnavinnsla, hýsing og tengd starfsemi, vefgáttir. |
| Úr 74 | Önnur sérfræðileg, vísindaleg og tæknileg starfsemi. |
| 74.2 | Ljósmyndaþjónusta |
| 95 | Viðgerðir á tölvum og hlutum til einka- og heimilisnota. |
| Úr 96 | Önnur þjónustustarfsemi. |
| 96.02 | Hárgreiðslu- og snyrtistofur.]1) |